WILLEMSTAD: Diamars mainta un yamada di urgencia a drenta na Centro Operacional Maritimo (MOC) di Wardacosta di Caribe Hulandes,
unda a solicita yudanza pa evacua un persona for di e isla conoci como ‘Klein Curaçao’.
A haya sa cu un victima femenino mester wordo hiba cu urgencia pa Hospital. E victima tabata abordo di un boto di charter, unda cu el a corta su dede di tal forma, cu e pida final di e dede a ser perdi.
Esnan na e isla a pidi yudanza di Helicopter, como cu e victima femenino tabata perdiendo hopi sanger.
MOC a dicidi na manda e Helicopter di Wardacosta rumbo pa Klein Curaçao, pa asina hise y hibe na Aeropuerto di Hato, unda cu Ambulans el a wordo transporta pa Hospital. No tin mas detaye di e condicion di e dama.
