Xamarah Anthonij a conkista e titulo di Vi-Reina Mini Model World 2024 na Republica Dominicana

ORANJESTAD (AAN):  Despues di un siman di actividad, diadomingo ultimo a cera conoci cu e ganadornan di Mini World 2024 na Republica Dominicana.

            Cas Princesa Aruba tawata representa pa dos Reina cu tawata Xamarah Anthonij, como Mini Model y Samantha Romero den e categoria Pre-Teen.

            Na final a anuncia e ganadornan y den 35 candidata den nan categoria, Aruba a demostra di ta bon  disciplina y bon prepara cu Samantha. Como prome finalista di Mini World a keda Xamarah Anthonij. E ganado tawata representante di Peru.

            Cas Princesa Aruba ta felicita Xamarah y Samantha como cu nan a haci bon papel representando Aruba dignamente.  Tambe ta gradici Prensa di Aruba, tur mayor,  amigonan y tur cu a haci nan participacion posibel.

            Danki pa tur cooperacion y sosten ricibi, entre otro, na tur fundraising di Cas Princesa Aruba, Allan Kock, Verena Lian, mayornan di tur dos reina, Roberto Avalo y Jessica Anthonij. Nos a logra otro meta importante pa nos pais!