ORANJESTAD (AAN): Informacion nobo cu DIARIO ta dispone di dje, ta indica cu “Pelicula” ta e siguiente workshop interesante na Ateliers ’89 na Playa.
Esaki lo ta dirigi pa e maestra artista Silvia Martes procedente di Hulanda y Curacao, y lo ta cuminsando Dialuna 7 di maart 2022, pa 6:30 pm.
E lo ta un workshop di Pelicula y Arte di Video Experimental. Silvia Martes ta un artista ganadora di premio pa un obra di dje.
Esaki lo bira un workshop unda no ta rekeri mucho experiencia, paso segun Silvia tur hende por traha un pelicula awendia. En principio pa bo por cuminsa bo solamente mester tin un camera pa traha un pelicula. Y for di einan e calidad/resolucion no ta e parti di mas importante. Ta pa esei mes e por worde graba cu e camera di bo celular. Den e caso aki ta bay mas pa e tipo di storia cu bo kier conta.
Den e workshop aki lo bin na remarca tur e faceta nan pa dilanti di con ta traha un pelicula experimental. Nos lo cuminsa ta traha un script segun e storia cu bo kier bay conta. Stap pa stap nos lo bay traha pelicula nan hunto te na yega na e ora di montahe. A lo largo nos lo mira con pa usa luz, ki tipo di decor lo ta necesario y con cu tecnica nan simpel por inclui sonido o musica. Asina tur hende ta crea nan pelicula experimental personal unda nos lo termina den un anochi di premiere/screening di e pelicula nan traha door di e participante nan den e workshop, na Ateliers ’89.
Silvia Martes (Eindhoven, 1985) a studia for di September 2009 pa Juli 2013 na Academia Gerrit Rietveld na Amsterdam (Bachelor di arte contemporaneo, Audiovisual) y sigui for di Januari 2019 pa Mei 2021 na Academia di Estado (Rijksakademie) Amsterdam. Recientemente el a duna les na Academia di Gerrit Rietveld.
Martes tabata un di e cuatro nominado nan pa Prix de Rome 2021 y su trabao por a bordo mira na Museo Stedelijk na Amsterdam. Den e mesun aña Silvia a gana e premio di Theodora Niemeijer di Museo Van Abbe na Eindhoven. E peliculanan di Silvia tin di haber cu e genero di ciencia ficcion. Su obra ta bordo caracterisa como liñanan di storia, non-lineaire y ficcion-pseudo.
Door di hunga cu berdad nan cu hechonan y cienciaficcion e liñanan di storia ta worde gelos y kita for di e realidad y ta bira ingarabel. Su peliculanan cortico hopi biaha ta haya nan principio di experencianan autobiografico o ta worde inspira pa comportamiento humano colectivo. E liña nan di e storia nan ta nace den e proceso cu Martes ta traha su decor nan, e camara ta kore, actua, registra y monta.
Pa por inscribi, please manda un mail na This email address is being protected from spambots. You need JavaScript enabled to view it. y corda cu e workshop aki ta pa un luna y lo temina Diahuebs 31 di Maart. Dia y orario nan ta; di Dialuna pa Diahuebs di 6.30 pa 9.30pm. Edad ta di 12 aña pariba. Ateliers ’89 ta situa na man drechi riba e crusada di Maria College Oranjestad.
