ORANJESTAD (AAN): Poco despues di su regreso na Nevis, Winair a anuncia un ruta nobo: vuelonan directo pa Martinica.
Entrante 1 di April 2024, e vuelonan ta conecta directamente Martinica (FDF) cu Sint Maarten (SXM) y Dominica (DOM) y vice-versa, ofreciendo opcionnan conveniente tanto pa negoshi como pa biahenan di placer.
E expansion ta solidifica mas ainda e compromiso di Winair cu conexionnan regional. Clientenan desde Martinica awo por conecta na varios destinacion cu un solo stop na Aeropuerto Internacional Princess Juliana na St. Maarten. Winair ta conecta Martinica cu St. Barths, Antigua, St. Kitts, British Virgen Islands y otro destinacionnan na Merca y Canada.
Hans van de Velde, director general di Winair, a señala cu nan ta hopi contento cu e ruta nobo, pasobra nan a habri un ruta cu ta importante pa habitantenan di parti frances di St. Maarten y St. Barths”.
Orario nobo di vuelonan:
- Diaranson y diadomingo: SXM - FDF (16:30 - 17:45), FDF - DOM (18:15 - 19:00)
- Diahuebs y dialuna: DOM - FDF (07:30 - 08:15), FDF - SXM (08:45 - 10:00)
