Entrega di Lista awe
ORANJESTAD (AAN); Awe lo tin e entrega di lista di Partidonan pa Eleccion 2021. Contrario na e forma di pasado cu partidonan ta yega cu caravana y monton di simpatizante, esaki lo no por ta e caso e biaha aki.
Esey ta debi cu keto bay pandemia tin su decretonan di emergencia, y leynan aki tin di cumpli cune.
Franky Benita di DOW a indica cu full e area rond di Censo lo wordo cera cu baricada. Di parti di Polis, lo bay tin
Pesey mes, Sharin Luydens di Censo a indica claramente cu solamente 2 miembro di Partido por bay entrega e lista riba Diabierna. Un total di 75 te cu 100 agente Policial lo ta riba pia pa percura pa pueblo cumpli cu e decreto di emergencia.
Lo bay haci esaki na e edificio di dos piso color terracotta cu tin net na e cruzada di Oranjestraat y Schoolstraat, cu ta keda pazuid di edificio principal di Censo.
Aki e dos miembronan di Partido lo haya un parking special pa nan eybao, y nan tin di subi e trapi cu tin eynan pa bay na halto y entrega e lista. Na final nan ta baha y abao lo por topa cu e pool di prensa cu lo duna entrevista.
Despues e politiconan ta subi nan auto y sali via di Schoolstraat y yega bek pa Wilhelminastraat.
Polis a tene un reunion Diamars cu casi tur Partido Politico recientemente pa mustra nan con e proceso di entrega lista lo tin di tuma lugar, y kico tin di atene su mes na dje. Aki a papia pa evita cu tin aglomeracion, y pa tur hende tene distanciamento social.
Unidad Motoriza di Polis lo bay ta tur rond pa guia trafico pa evita cu esaki ta stagna.
