ORANJESTAD (AAN): Keto bay un di e weganan di mas popular di Lotto ta esun di Zodiac, unda bo ta escoge un number di cuatro cifra, y ta agrega un signo zodiacal na dje.
Esey ta loke Wei a haci tambe, y a participa. El a splica cu el a mira e numbernan ey riba un bleki di Verf, y el a cumpra nan.
E anochi ey el a nota cu el a gana tambe!
Pesey riba Dialuna el a acudi na oficina di Lotto na Playa pa reclama su premio. Mesora a check su dato y a scan e ticket. Esaki a confirma cu el a gana 10.500 Florin cu Zodiac.
Mesora a cumina cu e proceso pa transferi e premio electronicamente pa su cuenta di banco. Wei a bisa cu su ticket ganador a wordo cumpra na Lucky Numbers Sasaki.
