ORANJESTAD (AAN): Education USA Aruba tin e meta principal pa promove estudio na Merca y lo organisa un webinar titula: “Playing Sports in College”
especialmente pa studiantenan cu tin e meta pa sigui nan carera como student-athlete na Estados Unidos.
E panel lo consisti di representantenan di NJCAA (National Junior College Athletics Association) cu lo comparti e rekesitonan pa por competi na e nivel aki, ademas lo tin un NJCAA coach cu lo comparti su perspectiva como coach y student-athletes Arubiano nan cu lo papia di nan experiencia nan cu a hasi nan exitoso na nivel di NAIA (National Association of Intercollegiate Athletics) y NCAA (Nacional Collegiate Athletics Association).
Den luna di April a hasi un encuesta pa midi e interes di studiantenan di Aruba cu kier bai studia na Merca. Resultadonan a indica cu 55% di e participantenan a indica cu nan ta practica un of mas deporte y 57% di e studiantenan aki ta interesa den sigui nan carera como student-athlete na Merca.
E prome sesion cu EducationUSA Aruba ta organisa ta titula: “Playing Sports in College” lo tuma lugar dia 9 di juni pa 6:00 pm y no ta solamente pa habitantenan di nos isla, pero ta dirigi na henter e region di Caribe y Latino America.
Lo duna tur participante e oportunidad pa contesta preguntanan relaciona cu bira un student-athlete exitoso na final. E necesidad pa duna mas informacion tocante e oportunidadnan cu ta existi pa studia na Merca ta grandi y e team di EducationUSA Aruba tey pa yuda cu esaki.
Ta invita studiantenan, mayornan y coachnan pa registra via e link: bit.ly/PlaySportsInCollege
Pa mas informacion por tuma contacto cu Education USA Aruba via email This email address is being protected from spambots. You need JavaScript enabled to view it. of bishita nos riba facebook @educationUSAAruba.
