Señor Alfredo Koolman tocante Eagle LNG:
ORANJESTAD (AAN): Director di WEB Aruba NV, señor Alfredo Koolman, a indica cu desde juli e compania a cuminsa evalua si ta extende e periodo pa asina Eagle LNG obtene su permisonan entre otro. Den un entrevista cu DIARIO, señor Koolman a bisa cu esaki ta e di tres biaha cu WEB ta extende e periodonan desde 2022 y despues di e ultimo WEB a considera si ta extende e periodo un biaha mas of no. Segun señor Koolman, di acuerdo cu e contract, WEB ta den su derecho, a base cu Eagle LNG no a logra su permisonan, pa descontinua e contract. Y esaki a pasa tambe.
Señor Koolman a remarca cu WEB Aruba NV no a hiba perdida financiero segun e condicionnan cu WEB a pone den e contract.
El a agrega cu WEB ta keda cu e interes di LNG den futuro. “LNG ta un combustibel trancisorio, mas limpi cu e HFO cu actualmente ta uzando, sinembargo, awor aki, segun palabracion cu stakeholders, WEB ta pone enfasis riba proyectonan duradero y enfoca riba biento, solo y almacena energia”, señor Koolman a duna di conoce.
