WEB cu actividad pa empleadonan estrecha nan lazonan cu otro

ORANJESTAD (AAN): Recientemente e compania WEB Aruba NV a organiza un asina yama ‘WEB Talk’.  Esaki tabata den Renaissance Conference Center,

y e tabata un encuentro pa empleadonan di WEB, caminda a trata topiconan relaciona cu direccion di e compania, cu con cu bay bin, tin un rol vital pa e isla.

   Durante e encuentro, gerencia a comparti informacion di aspectonan di operacion di compania. A sigui un panel di empleado, kendenan a comparti nan experiencia cu procesonan di cambio cu nan coleganan den sala.

   Tambe e empleadonan a participa na actividadnan interactivo pa haci nan consciente di e importancia di nan actitud y norma y balornan, pa logra un operacion y ambiente di trabao positivo.

   Aparte cu e tabata informativo y interactivo, e tabata un bon momento pa coleganan cu no ta mira otro frecuentemente topa otro y intercambia experiencia di trabao.