ORANJESTAD (AAN): Despues di anuncia diahuebs cu awe lo mester a drena na vigor un tarifa nobo pa e servicio di awa na Aruba,
WEB Aruba NV a emiti diabierna mainta un comunicado unda nan ta bisa: "den consulta cu e accionista Utilities Aruba a tuma e decision pa schors e aumento di tarifa di awa temporalmente".
Diahuebs mes, Prome Minister Evelyn Wever-Croes a expresa cu gobierno tabata sorprendi cu e publicacion di WEB Aruba mirando cu ainda tabata na mesa di negociacion relaciona cu e asunto aki.
El a duna di conoce cu Minister di Energia, Glenbert Croes tabata tin e caso den su man, pero asina mes Minister Croes no a duna emiti ningun comunicado di prensa al respecto.
Minister Croes, diabierna mainta a 'share' riba su Facebook Page e comunicado di WEB Aruba, pero no a reacciona ni duna ningun declaracion riba e asunto aki. Tampoco esey a sosode durante di diahuebs, aunke si a comparti e contesta cu Prome Minister Wever-Croes a duna na prensa den oranan di mainta.
