ORANJESTAD (AAN): Diasabra anochi un waya di voltahe halto a kibra y cay dilanti un cas riba caminda principal di Tanki Leendert pa Moko, na altura di Catiri.
Esaki a socede alrededor di 9’or di anochi.
Tecniconan di NV Elmar a subi riba caya y a acudi na e cas unda a bin haya e waya benta abao. Esaki nifica cu tin di bay rek waya di nobo, y esaki no ta un proceso cu ta bay rapido. Mester busca personal cu ta encarga cu e lineanan di voltahe halto, pa asina tira waya nobo. Trabao a start despues di 10’or di anochi.
Alrededor di 12’or di mey anochi a keda cla cu e trabao, y a pone coriente bek. Sinembargo poco rato despues a nota cu tin algo cu no ta bon, y pesey pa 12:39 am nan a bolbe desconecta e area pa haci un trabao urgente.
Esaki a keda cla te prome cu 1’or di marduga, y e ora ey si tur hende a haya coriente bek.
