ORANJESTAD (AAN) Recientemente The Ritz-Carlton Hotel a clausura su campaña “Luxury Wagon”.
Yahira Santoni, Relacionista Publico y director di comunicacion, a expresa cu nan a lanza e campaña aki, hopi spera por cierto, algun luna pasa y Diabierna a haya sa ken a bira ganador di e Mercedes-Benz G-Wagon, un SUV hopi luhoso mes.
Prome cu a saca e premio, a tuma un par di ora pa celebra esaki cu prensa, cu semper ta apoya nan, y tambe ta yuda pa engrandece e campaña aki.
Johana Maya Casino Marketing Manager di Ritz Carlton y Sint Regis Aruba ta contento pa anuncia, cu e ganador a bira Siro Tromp, un conocido Taxista local. Pero el a dicidi na tuma e premio den forma di placa cash.
Aki por mire ta ricibi su cheque di 200.000 Dollar mey-mey di yen di celebracion.
For di luna di April nan a cuminza saca finalistanan cada ora te cu Diabierna ultimo pa 11’or anochi. Un total di 50 finalista tabata tin, y un notario a constata cu tur cos tabata corecto, pa bay den un tombola for di unda a saca e ganador cu a bira Siro.
