ORANJESTAD (AAN): Na tur usuario di lama, en special pa tur propietario di botonan chikito, botonan piscado,
botonan di placer, seadoo y otro deportistanan aquatico. Servicio Meteorologico a saca un anuncio di ‘codigo oraño’ pa e isla di Aruba.
Wardacosta ta conseha en conexion cu esaki, pa no subi lama y pa tuma medidanan di
precaucion pa bo boto pa esaki ta bon sigura.
Pa doñonan di boto ku tin un boto na un marina of un ‘binnenwater’ mara, e tip ta pa saca bo boto na tempo for di awa y warda esaki na un forma sigura. Esaki pa evita cu e boto ta zink innecesariamente y causa of sufri daño.
Tambe for di punto di bista di medio ambiente, ta conseha pa saca boto for di den awa, ya
asina esaki no ta forma un riesgo pa medio ambiente na momento cu esaki por zink, pa motibo
cu posiblemente azeta, gasolin, of gasoil por bay den lama. Evita situacion peligroso y sigura bo
embarcacion na tempo.
Keda na altura di e weer pa medio di sigui noticia y informacion di Servicio Meteorologico di
Aruba.
