ORANJESTAD (AAN): Tabata den oranan di anochi, cu Centro Operacional MOC di Wardacosta di Caribe Hulandes,
a ricibi peticion pa brinda asistencia na un barco crusero cu e momento ey ta nabegando parti noordwest di Curaçao.
MOC mesora na Curaçao a drenta den contacto cu e docter di Citro pa check e situacion. Despues di combersacion y evaluacion cu e team medico abordo di e barco, a constata cu ta un turista Mericano di 74 aña di edad a haya problemanan cu hala rosea, den combinacion cu un atake di curazon.
Asina a laga e Helicopter di Wardacosta lanta vuelo y a bula rumbo pa e barco, y asina den oranan di anochi hisa e pashent abordo. Despues di esey nan a bula bek pa Curaçao y ateriza na Aeropuerto di Hato, unda e pashent a wordo transferi pa Ambulans cu a hibe cu urgencia pa Curaçao Medical Center.
