ORANJESTAD (AAN): Diahuebs mainta e Metal Shark di Wardacosta tabata haci control rutinario riba e boto local Matrialista cu tabata bini for di zuid. Di leu por a nota dos persona abordo di e boto.
Na momento cu e personal di Wardacosta a yega cerca di e boto a nota tres persona scondi den cabina.
Despues di un investigacion preliminario a resulta cu dos di e personanan abordo ta indocumenta y a wordo busca door di e boto na Venezuela.
E dos indocumentadonan ta pendiente investigacion di autoridadnan local den nan caso. E capitan y su tripulante, ambos personanan local, a wordo deteni pa traficacion di hende pendiente mas investigacion.
