WILLEMSTAD: Tabata Diaranson anochi laat banda di 11:00 pm, cu Wardacosta di Caribe Hulandes a detecta un boto cu ta nabegando rumbo pa Curaçao.
Mesora a manda e cutter Jaguar pa bay na altura, y a saca un speedboat tactico Metal Shark tambe cerca di Piscadera, como cu eynan e boto misterioso ta dirigiendo su mes.
Aki a logra di intercepta e boto aki, y a bin topa abordo cu 19 persona indocumenta, entre cual 7 muher, 7 homber, y 5 mucha menor di edad.
Tur persona a wordo traslada na Polis di Curaçao, y e boto mes a wordo lastra y treci na pier.
