Wardacosta a bay rescata señora perdi den mondi na Curaçao

WILLEMSTAD: Tabata Diadomingo atardi banda di 4:00 pm, cu Rescue & Coordination Center (RCC) di Wardacosta di Caribe Hulandes,

a ricibi un peticion di Cuerpo Policial di Curaçao, pa yuda busca den e mondi di misa di Mount Pleasant, como cu un señora lo a dwaal eyden.

   Mesora a duna ordo pa e Helicopter di Wardacosta lanta vuelo pa bay yuda busca.  Nan a keda bula rond, y banda di 5:45 pm nan a bin localiza e señora den e mondi cerca di Malpais, den situacion unda e ta casi for di tino.  Tabata un Diadomingo di hopi calor na Curaçao, y tur esaki tabatin efecto riba e señora.

   Personal di Wardacosta a baha cu e kabel pa yega abao, y despues nan a mare na esaki, y a ‘hoist’ e señora y hise den Helicopter.

   Nan a bula un tiki y a yega na Mount Pleasant unda un Ambulans a tuma e señora over.