For di 1 di Maart
ORANJESTAD (AAN): Asociacion di Docternan di Cas (HAVA) a informa cu for di 1 di Maart, e warda extra di e dokternan di cas (nr. 166) en conexion cu Covid y den colaboracion cu Rode Kruis (Cruz Cora) a wordo cancela.
E decision aki ta basa riba e hecho cu den e ultimo simannan, pashentnan no a haci uzo di e extra servicio aki mas.
HAVA ta gradici Rode Kruis pa e colaboracion aki, unda cu bou di circumstancianan intenso, semper a traha cu otro na un manera profesional y positivo na bienestar di e pashent.
E servicio di nr. 166 semper por wordo reactiva den futuro, si tin necesidad pa esaki, HAVA a indica.
