ORANJESTAD (AAN): Diahuebs anochi Asamblea General di COA a eligi un directiva nobo pa e organizacion.
COA lo tin pa prome biaha un hende muhe como Presidente, den persona di Wanda Broeksema, cu pa e ultimo cuater aña a fungi como Vicepresidente.
E directiva awor ta consisti di siete persona (tabata te cu awor nuebe), di cu cuater ta hende muhe.
Esaki ta e miembronan di e Directiva pa e periodo 2021-2025. Como presidente a keda eligi Wanda Broeksema. Como vice-president tin Ivan Ng.
Secretaria General ta Nicole Hoevertsz. Segundo Secretaria General: Zulema Dabian-Erasmus.
Como Tesorero tin Giovanni Bermudez. Miembronan ta Perlishka Lockhart-Orman, y Maarten Willems.
Na luna di december e Comision di Atleta di COA ta eligi nan miembronan. E Presidente cu ta worde eligi pa e atletanan na e momento ey ta bira miembro di Directiva di COA.
