ORANJESTAD (AAN): Crisis Team ta anuncia flexibilisacion di algun medida entrante diadomingo marduga 17 di october.
Horario di ciere pa sector di Horeca ta cambia di 12:00 am pa 1:00 am y pa sector Casino ta bira 2:00 am.
Tur otro medida manera; Tapaboca obligatorio paden di edificio incluiendo gym y scol, prohibicion di aglomera den area publico manera parkeer plaats y beach entre 7:00 pm y 5:00 am.
No ta permiti pista di baile y bailamento.
No ta permiti tampoco bebemento di alcohol riba tereno publico, tampoco algomeracion riba tereno publico te cu maximo di 8 persona.
Publico pa deporte maximo 150 persona paden y 250 pafor.
Publico pa establecimento nocturno maximo 150 persona, tur hende mester ta sinta, 8 persona maximo na mesa.
Regla pa Bar y Rumshop maximo 4 persona na mesa. E background music cu 5 musico maximo, satelite dancing solamente.
Na entiero maximo di 150 persona si espacio ta permiti, ta sigui na vigor.
