Walter Hansen ta e Comandante nobo di Forsanan Naval den Region Caribe Hulandes

WILLEMSTAD/ORANJESTAD (AAN): Comandante  Walter Hansen ta e Comandante nobo di Forsanan Naval den Region Caribe Hulandes. 

Den e funcion aki e ta tambe Director di Wardakosta Region Caribe y Comandante Task Force  4.4.  Comandante Hansen diabierna a tuma e batuta di General di Brigada di Infanteria di Marina, Frank Boots.

            Boots a cuminsa 3 aña pasá durante un temporada tumultuoso, COVID-19 a hunga un papel grandi den esaki. E rol di Militarnan di Corsou a bira, tambe pa e motibo aki, cada bes mas importante, cu resultado di hopi solicitud pa asistencia. Apesar cu durante e ultimo 3 añanan horcannan real no a materializa, na 2021 Boots  a guia e despliegue militar despues di e temblor na Haiti. E despliegue Hulandes a tuma luga dentro di un mision humanitario di asistencia di emergencia di Union Europeo.

            E colaboracion cu e Paisnan durante e ultimo 3 añanan tabata central.  Por ehèmpel, a establece acuerdonan  pa forma e Trayecto di Formacion Social na Aruba y Corsou. Tambe na nivel internacional a fortalece e colaboracionnan pa pone aun mas enfasis riba accionnan impulsa pa informacion. Den esaki paisnan den region manera Colombia ta di gran importancia y durante e ultimo 3 añanan a tuma pasonan importante pa colabora cu otro na un forma mas intensivo

            Na 2022 Defensa y Wardakosta Region Caribe hunto a percura pa un aña cu a kibra record na capturacion di droga; un total di mas o menos 35.000 kilo di droga a keda intercepta. Ademas di e exito operacional aki durante e aña aki tabatin Velas Latinoamerica Curacao cu a hunga un gran papel; e pelíkula ‘Invasie’ a keda graba, y e serie di Wardakosta a ricibi un  exito di audiencia internacional riba National Geographic.

             E aña despues Cas Real a haci un bishita na Region Caribe,  cu un prome encuentro pa sera conoci cu Prinses Amalia. Durante e bishita special aki Defensa den Region Caribe Hulandes a eherce un rol importante tanto  den fondo como riba prome plano.

            E comandante nobo, comandante  Hansen, no ta desconoci cu Region Caribe Hulandes. Durante su carera, Hansen a acumula hopi experiencia, tanto cu Defensa como cu aporte na Wardakosta den Region  Caribe di Reino Hulandes.  Eynan mes el a ocupa varios puesto, tal manera Comandante di e Cutter Jaguar di Wardakosta, Oficial di Estado Mayor  CZMCARIB, encarga cu operacionnan internacional anti droga, Hefe Operacional na Wardakosta Region Caribe Hulandes, i durante despliegue cu varios barco di patruya. Banda di esey for di Hulanda e tabata e Consehero di Maneho pa asuntonan di Region Caribe y Wardakosta.

            Hansen lo sigui encamina e caminda  elegi pa su predecesor  pa mehoracion y renobacion di e Organizacionnan Defensa y Wardakosta.  Den esaki e ta esforza su mes pa continua cu e colaboracion exitoso cu socionan strategico local y internacional.

            Hunto lo sigui traha pa reforsa e organisacion y cumpli cu e mision di e Comando di Forsanan Naval den Region Caribe Hulandes  y Wardakosta Region Caribe Hulandes.

            Boots ta bandona Defensa. E ta baha di su funcion cu pension adelanta.