Nos custumbernan di antes
Den e Aruba di nos grandinan naturalesa tabata hunga un papel masha importante.
E hendenan grandi tabata cuida naturalesa pa por haya cuminda pero tambe pa por haya sanacion di cualkier malestar.
Un mata cu sigur semper tabata tin den cunuco of cerca di cas tabata e mata di Walishali.
Nos grandinan tabata kita e foyo ( blachi) di Walishali. E creencia ta cu ta kita 3, 5 of 7 foyo y ta pone e foyonan herbe. Semper mester usa un cifra “ oneven”.
Esaki ta bira un sorto di te (thee) cu e hendenan tabata bebe pa combati griep, tosamento, dolor di garganta, dolor di stoma, dolor di menstruacion, infeccion di ovario y asina por sigui menciona.
Tambe si kibra un taki di e mata di Walishali e ta produci un likido cu por cura herida cu ne.
Tin otro hende ta usa e foyonan di mata di walishali y ta tira esaki den awa pa mop cas of laba cos di kibra cu ne.
Tin otro hende ta usa e foyo di mata walishali pa caw seguramente ora cu e boca ta smaak marga of ta produci un holor no mucho dushi.
Compila pa Roberto Croes
Nos Historia Nos Herencia
