Waf di Oranjestad

Waf di Playa te cu na 1930 tabata conoce cuater otro waf y nomber. Bo tabata haya Waf di Polis, Waf di Rey, Waf di Shon Juan y Waf di Compania.

Ta bon pa menciona cu e tempo ey tur loke awe ta edificio di Parlamento, Bestuurskantoor, Renaissance Hotel, edificio bieu di DOW, oficinanan di Maduro & Sons, rotonde na Wendy’s te cu Sun Plaza tabata lama.

Waf di Polis: esaki ta situa net dilanti di Fort Zoutman. Den e tempo ey algun hende tabata yama e parti aki tambe Waf di van Nollen. ( Van Nollen lo a haya castigo pa un delito cometi cu e mester a traha un dam di piedra) Janchi Harms tabata traha boto y pa añanan largo piscadornan tabata drecha boto eynan.

Waf di Rey cu a bira despues Waf Chikito ta situa na unda antes ta bende fruta y berdura. Awe esaki ta e mercado pa bende souvenir na turistanan.

Waf di Shon Juan tabata un pida masha chikito cu Shon Juan Capriles tabata cobra pa cuida algun boto. Esaki tabata situa entre Waf di Rey y Waf di Compania.

Waf di Compania ta situa unda ex edificio di DOW tabata. E Waf di Compania tabata ricibi carbon pa e companianan di oro y fosfat.

E prome cobamento di waf di Rey a socede na 1916 y a deposita e santo Blanco west di Fort Zoutman.

Compila pa Roberto Croes

Nos Historia Nos Herencia