ORANJESTAD (AAN): Eleccion di Tweede Kamer lo tuma luga dia 29 di october 2025.
Votadonan registra na Aruba por busca nan prueba di voto postal y deposita nan voto directamente na Representacion di Hulanda na Oranjestad te cu dia 29 di october.
Aumento den e cantidad di votado registra
Votadonan por a registra pa vota den eleccion di Tweede Kamer te cu 17 di september 2025. Pa bin na remarke, un persona mester a biba pa por lo menos dies aña na Hulanda, ta emplea pa gobierno Hulandes den servicio local, of ta biba cu un empleado den servicio di gobierno local.
E cantidad di votado registra a aumenta compara cu e eleccionnan di Tweede Kamer di 2023: di 538 na 2023 pa 852 votado registra pa e eleccionnan benidero, un aumento di mas cu 58 porciento.
Coleccion di e prueba di vota y Vota
Por busca e prueba di voto y vota na Representacion di Hulanda na Oranjestad situa na L.G. Smith Boulevard 44. Esaki ta posibel te cu 28 di october 2025, entre 8:00 AM y 5:00 PM. Riba diaranson 29 october por tuma e prueba di voto y vota entre 7:30 y 15:00.
Por vota mesora despues di recogi e prueba di voto. Pa tuma e prueba di voto mester mustra un identificacion valido. Un rijbewijs no ta wordo considera un identificacion valido.
Tene na cuenta: Votonan postal mester wordo entrega na e briefstembureau pa 3:00 PM ora local riba diaranson 29 di october. Votonan ricibi despues di 3:00 PM of mas lat lo no wordo conta.
Seccion publico
E pre-apertura di e envelopnan y e conteo di votonan lo tuma luga durante un seccion publico. Durante e seccion di pre-apertura, ta habri e envelop di regreso oraño. E prueba di votacion postal y copianan di identificacion y paspoort ta wordo controla pa valides. Na e momento ey no ta conta e votonan ainda.
E pre-apertura ta cuminsa dia 28 di october y lo ta di 10:00 AM pa 4:00 PM, y e conteo di e voto ta cuminsa dia 29 di october pa 10:00 AM. Ta pone e datonan disponibel pa publico ora termina e conteo formal.
Accesibilidad
E briefstembureau ta accesibel pa esnan cu dificultad cu accesibilidad. Di e manera aki tur hende por forma parti di e proceso di voto sin ningun impedimento.
