Señor Glen Penn:
ORANJESTAD (AAN): Señor Glen Penn ta e promotor tras di e di dos edicion di un proyecto inspiracional titula Proyecto Positivo, unda artistanan local ta uni nan talento pa canta un cantica gospel.
Aña pasa, BudyLove y Ataniro a lansa e tema ‘Den Su Man’, cu a bira un gran exito den comunidad. E biaha aki, Proyecto Positivo ta bira mas grandi, cu ocho cantante local cu ta canta e cantica ‘Yena Mi’.
E cantantenan ta Michelangelo Koolman, Jeffrey Kelly, Freddy “Rasta” Richardson, Derwin Kemp, Sidney Simoons, Miguel Genser, Richard “Tattoo” Quant y Jerrino Ridderstap.
Den un entrevista recien cu DIARIO, Señor Penn a bisa cu e meta principal di Proyecto Positivo ta pa alcansa henter Aruba. El a agrega cu lo tin mas evento den futuro, cu e deseo pa inclui y inspira mas hende, especialmente nos hobennan pa sigui vibra positivo den bida.
E cantica gospel ‘Yena Mi’ ta disponibel riba YouTube y tambe por ser scucha na emisoranan local.
