Departamento di Obra Publico ta informa: - * tur restaurant mester tin un vetvanger
ORANJESTAD (AAN): Dialuna mainta na e gemaal (stacion di pomp) situa na J.E. Irausquin Boulevard na haltura di e high rise hotels, a bin topa cu un situacion lamentabel di vet fresco cu ta solamente trece problema pa e planta di purificacion di awa na Bubali.
Tur restaurant mester tin un vetvanger pa captura e vet y deshaci di dje di un manera responsabel protehando nos medio ambiente.
Actonan iresponsabel manera loke a bin topa cu ne ultimo simannan ta solamente trece mas problema pa e planta di purificacion di awa na Bubali, cu ya caba ta den un situacion delicado.
Ta importante pa señala lo siguiente;
Tur restaurant mester tin un vetvanger.
Cu no ta pasobra bo a deshaci di e vet den cushina, e no lo ta un problema mas.
No ta permiti pa tira F.O.G. den sistema di riool; Fat, Oil and Grease.
Ta di spera cu e incidente lamentabel bira un señal na tur esnan den sector aki cu nan mester hiba un maneho cu ta cumpli cu ley y reglanan.
