Hospital tin actualmente 56 persona interna cu COVID di cual 6 ta den ICU na Aruba y 8 den ICU na Colombia
ORANJESTAD (AAN): Segun resumen di Crisis Team pa dialuna 16 di augustus, 112 persona a recupera y un total di 56 caso nobo di COVID-19 a keda registra, 3 ta turista y 53 ta residente. E cifranan aki ta representa un 'Positivity rate' bou di residentenan di 29%.
Cantidad di casonan activo di COVID-19 pa dialuna tabata 1026 y cantidad di fayecidonan relaciona cu COVID-19 a aumenta na 121 cu fayecimento di 2 residente riba edad di 75 aña di cual ningun di 2 tabata vacuna. Condolencia y forsa na famia di e fayecidonan.
Datonan di COVID ta ilustra subida di casonan nobo cu un average semanal di 119 caso pa dia y un average di 'positivity rate' semanal di 29% pa dia.
Hospital tin actualmente 56 persona interna cu COVID di cual 6 ta den ICU na Aruba y 8 den ICU na Colombia, 41 riba piso general y 1 riba piso di maternidad (hende muher na estado).
