CARACAS: Gobierno Nicolas Maduro ta cla pa introduci un serie di medida y reglamento nobo,
y hisa impuesto riba tur caha cu yega eynan di exterior cu Courier cu ta contene cuminda y remedi.
E cahanan aki, cu ta wordo manda via servicio di Courier y entrega “porta pa porta”, a wordo usa pa hopi minorista pa importa productonan scars cu tin na Venezuela.
Aunke cifranan oficial no ta existi pa cu e volumen di e ‘encomienda’ aki, toch Gobierno di Maduro ta busca di hisa nan entrada y bin cu medida pa controla y por haci algo cu e material cu ta wordo manda, aunke oficialnan no a duna detaye specifico riba esaki.
Recientemente varios compania di Courier a anuncia cu nan ta stop di ricibi y entrega e cahanan aki, sperando ki decision Gobierno lo tuma prome. Pero ta mira caba cu e medidanan aki lo bay haci mandamento di pakete pa Venezuela bira aun mas caro.
