BOGOTA: E dama venezolano Yuleisy Marlec Guiza Perez di 27 aña di edad, a wordo mata door di su pareha, esta un homber di edad di 70 aña na departamento di Cundinamarca, na Colombia.
Bisiñanan a keda den shock ora nan a bin haya sa cu den e Apartamento unda e homber ta bibando pa algun tempo caba, a bin haya e muher sin ta duna señal di bida.
A bin sali na cla, cu e pareha a haya problema y pleito cu otro debi na asunto di amor, y e asunto a escala asina hopi, cu e unico solucion cu e homber a pensa riba dje ta pa caba cu e bida di su pareha.
Polis a bisa cu e crimen tabata cruel. Yuleisy a haya un hinca brutal di cuchiu grandi na altura di su nek. Despues cu el a perde sanger profusamente, e muher a fayece sin cu el a ricibi yudanza. Parce cu ta e homber mes a pone Polis na altura di e crimen cu el a caba di comete, pero a huy prome cu autoridad a yega.
A haya informacion cu e homber tin plan di huy pa Venezuela, pero Polis Colombiano a logra di gare prome cu el a logra sali di e pais. E ta encarcela awor.
