Cu AIDS como ehempel di realidad di malesa DIARIO a splica Covid-19 --- *Un mundo na careda pa un ola nobo di su compañero di bida --- *Cuanto bida y placa e union cu Covid-19 ta exigi comunidad awe?
ORANJESTAD (AAN) — Cu Aruba mescos cu cualkier pais na mundo no por a biba eternamente bou medidanan estricto di Covid-19, tur hende ta na haltura.
Pero na momento cu mundo a cuminsa prepara pa yama bonbini na Covid-19 como parti normal di bida, DIARIO a demostra e responsabilidad pa investiga con a atende cu malesanan importante manera AIDS y cuanto placa esaki ta nifica te awe.
Ora tuma nota di e forma cu mundo a atende cu enfermedadnan serio y ta scrap nan como peligro pa comunidad, e proclamacion mundial di e final di e pandemia di Covid-19 cu a bira un endemia cu tur loke esaki ta encera.
Na e momento cu mundo Occidental a habri porta pa Covid-19 y a deshaci di medidanan mas severo, mundo ainda tabata den gara di un pandemia, cu a tranca entre otro economia na paisnan Asiatico mientras e Guera di Ukraine a bira un ocasion pa mas caso presenta nan mes den un mundo di turbulencia.
Cu mester a yega na un compromiso nobo pa atende cu Covid-19, cu ainda ta produci un variante tras di otro, ta algo logico.
Economia mundial y sistuacion financiero di ningun pais lo a sostene medidanan extremo pero na mes momento no mester a declara “libertad” na un enfermedad desaconoci, cu te awe ta parti di estudio rond mundo, caminda hende ta muri pa motibo di un malesa mortal.
Cifranan di ultimo dia na cantidad di pais, ta duna prueba con olanan nobo di e Coronavirus nobo ta surgi.
Ta conoci cu reaccion humano ora a logra contene e parti mas peligroso di Covid-19, tabata pa gosa di libertad, loke a bini dilanti den un recuperacion di entre otro turismo mundial debi na e anhelo pa bolbe biaha.
Awe e pregunta mas serio ta, con autoridad di Salud Publico a atende cu e forma cu ta deshaci di tur medida contra e malesa mundialmente mientras hamas sector medico tabata tin e malesa bou control.
Con a yega na acuerdonan pa bolbe normalidad y kico ta considera normalidad den un pandemia, cu te awor ta un enemigo di bida di hende y cu mundo no a controla.
Manera DIARIO a adverti den e hubilo mundial pa regresa na normal, e mundo normal no ta existi mas.
E forma cu mundialmente a forsa un impresion robes pa canta fin di e pandemia, cu te awe pa pandemia na tanto pais, por tin resultado sumamente serio pa mundo, cu no ta prepara pa otro shock di Covid-19.
Mundo liber, cu espacio pa economia bibo, mester a reduci medidanan pero mester a tene su mes na e unico realidad cu e pandemia Covid-19 conoce, cu e ta un malesa desconoco pa ciencia.
Mester a mantene estado di alerta sigur na un mundo cu contacto directo, cu tabata e prome motibo cu Covid-19 por a haci su entrada na Europa, caminda awe cifranan ta duna tur motibo pa bati alarma.
Mundo a no a duna su mes suficiente tempo pa yega na creacion di un tempo di transicion entre un pandemia cu a mata Miyones di hende, awe ta sigui mata hende rond mundo, y un futuro nobo den cual mescos cu a pasa cu Aids, por a yega na remedi efectivo.
Durante ultimo dianan mundo atrobe ta bati alarma pa un enfermedad cu e kier a scrap como enemigo, cu ta haci uzo di tur oportunidad pa ataca, pa destrui e ser humano manera informacion corecto ta spierta mundo!
