Veld pabao di Baby Beach awor ta tur yena cu santo blanco

ORANJESTAD (AAN): Ultimo dianan aki, hopi hende ta comentando riba e trabao cu a wordo haci net pabao di Baby Beach.

   Nan a comenta riba e santo blanco cu a wordo basha caminda antes tabata e veld di Softball cu tabatin net pabao di Baby Beach.

   Hopi ta bisa cu kizas e idea di basha santo blanco ta bay keda bunita y laga e lugar aun mas atractivo.

   Sinembargo, e comentario di varios persona ta cu tin di tene cautela cu esey.  Pasobra asina cu bin un awacero grandi, por spera cu e awa di rooi cu ta baha cu coriente fuerte di e sero ey, lo lastra mayoria di e santo blanco aki bek pa lama, y kizas e lodo den e santo blanco lo haci un morspot di otro mundo.

   Manera ta conoci, ora cu awa yobe hopi, e area ey ta yena cu awa estilo di un dam asina.