Logro importante den ERP pa Aruba
ORANJESTAD (AAN): E compania VCC International N.V., e distribuidor di software mas confia di Aruba, ta orguyoso pa anuncia cu oficialmente a logra e Status di Odoo Silver Partner. E reconocimento aki ta refleha e gran experiencia, compromiso na excelencia y liderazgo di e compania den solucionnan ERP.
E logronan importante aki a bira posibel danki na e dedicacion di e ekipo di ERP consultantnan di VCC: Bert Vermaas, Jean-Pierre Solognier y Jerney Rebin, cu tur tres a logra cu exito e certificacion prestigioso di Odoo 18 na comienso di e luna aki. Obtene e certificacion aki no ta facil y ta mustra e conocimento avansa y experiencia practico cu e team tin den ERP Software.
Bert Vermaas, doño di VCC International N.V., tin mas cu 30 aña di experiencia den implementacion ERP den softwarenan conoci como Exact, SAP, y awor tambe Odoo. Cu su peso y liderazgo den e area, clientenan ta haya un guia sin igual den nan transformacion digital.
Jean-Pierre Solognier, semper na altura cu e ultimo trendsnan den software y cu experiencia anterior como consultant di Odoo, awor ta oficialmente certifica, fortaleciendo mas e servicio di consultancy na VCC.
Jerney Rebin, cu un background den Business Administration y experiencia como un superuser den ambos Odoo y Exact, tambe a logra su certification Odoo 18, completando asina un ekipo di consultantnan ERP altamente qualifica.
Cu e tres consultantnan certifica y cu e cantidad necesario di licencianan bendi, VCC International ta e unico Odoo Partner oficial di Aruba cu e Status di Silver Partner. E reconocimento aki ta un prueba di e capacidad di VCC pa entrega “Real Software, Real Support” — un combinacion di e mihor solucionnan di software y un team di expertonan cu ta separa VCC for di e competencia.
Pa esnan cu no sa, Odoo ta un solucion ERP prepara pa futuro cu AI integracion diseña pa optimalisa y automatisa operacionnan di negoshi pa organizacionnan grandi y chikito. Odoo ta ahusta na e necesidad di cada tipo di empresa, ofreciendo tur cos for di accounting y CRM te na inventario den un plataforma integra. Cu un prijs cu ta cuminsa rond di $10 pa luna pa usuario, Odoo ta brinda un opcion innovativo, flexibel y accessibel pa empresanan cu kier modernisa nan operacion.
Invitacion pa Demo di Odoo: Pa mustra e poder y potencial di Odoo, VCC International ta organiza cada luna un demo session gratis na nan oficina. E proximo ta Diahuebs dia 25 di September 2025 di 9 or pa 11 or na Bloemond 7 C (oficina di VCC) International na Aruba. Registracion ta obligatorio, y participation ta limita na dos persona pa compania. Empresanan cu tin interes por registra via This email address is being protected from spambots. You need JavaScript enabled to view it. .
