ORANJESTAD (AAN): Diamars anochi varios automobilista coriendo riba Watty Vos Boulevard, a haya nan ta primi brake, hala un banda pa evita di bay dal den algun plachi plat cu a bula sali cay for di un baki di un Nissan Single-Cab Pickup color blanco cu tabata moviendo riba e caminda, y unda posiblemente e chauffeur no a wanta su
carga suficiente bon.
Un pasahero den un auto coriendo mas patras, a usa su smartphone pa saca potret di e plachinan blanco aki cu tabata cay riba caminda, y nan mes a primi brake y hala violentamente un banda pa no dal den nan. Esaki riba e pida caminda di rotonde Tanki Leendert rumbo pa Paperclip Rotonde di Sero Patrishi.
Ademas di e plachinan blanco aki, a nota cu tabatin hopi plastico opaque cu tambe tabata bay halto y cay riba caminda.
E chauffeur di e Nissan Pickup no a ni slowdown pa bay piki nan. El a djis sigui core bay, subi Paperclip Rotonde, y sigui bay direccion Paradera. Riba e pida caminda aki tambe keto bay tipo di plastico tabata bula bay for di e baki y cay riba caminda.
