Varios actividad a tuma lugar na misa catolico durante celebracion di Pasco

ORANJESTAD (AAN):  Riba Pasco, creyentenan den religion Catolico a bay misa pa tuma bendicion di pastoor. Na misa Fatima na Dakota, esaki tabata yen yen.

                Pa haci e di dos dia di Pasco na misa Fatima na Dakota mas agradabel, e pareha Chio y Dieke Chirino, tabata presente, pa asina tuma bendicion di Pastoor Jozef Pek, recordando  nan di 41 aña di bida matrimonial.

                Tambe a presenta e dos hobennan Alger Laza y Juan Manuel, kendenan a celebra nan cumpleaños. Na misa a consagra 16 hoben cu a ricibi nan cruz, como futuro misdnar di e misa.

                Despues di misa, a tuma lugar bautismo di 4 baby. Presente tabata tey e mayornan, padrino, madrinanan y den cierto momento te hasta algun Opa cu Oma.

                Sigur un momento hopi importante den e bida di chikitonan, cu ta habri asina, e caminda di fe religioso pa nan. Diario ta manda palabra di hopi pabien na tur.