ORANJESTAD (AAN): Aruba Bank ta orguyoso di por anuncia su empleado superior pa luna di oktober 2023.
Nan meta ta pa percura pa cada cliente ricibi lo mihor for di su experiencia na banco. Esaki no lo ta posibel sin e guia y sosten di empleadonan.
E luna aki, nan ta reconoce Valery de Cuba pa semper percura pa duna e mihor servicio na su clientenan interno y externo. E ta haci esaki door di semper bay e extra miya pa sigura e experiencia di su clientenan ta di mihor calidad.
Valery de Cuba a sa di demonstra dedicacion excepcional pa por brinda servicio di calidad na nos clientenan. E empleadonan sa di haci esaki cu un actitud positivo, bon manera di comunica y un compromiso increibel pa por brinda un experiencia superior. Pesey mes e banco ta reconoce nan trabao duro y dedicacion.
E compromiso di cada empleado ta permiti an pa por brinda un experiencia superior na tur nos clientenan. Nan ta mas cu orguyoso pa reconoce Valery de Cuba como empleado superior pa luna di oktober 2023. Pabien Valery pa e tremendo trabao!
