Debi cu vacuna Bivalent ta cabando
ORANJESTAD (AAN): Aruba recientemente a haya un cantidad limita di vacuna Bivalent pa por wordo suministra como 'boostershot' na e gruponan di risico den nos comunidad.
Pa cu esaki DVG conhunto di Bureau Rampenbestrijding a drenta districto di Noord y siguientemente mester a drenta Santa Cruz riba dianan 24, 25 y 26 di October y despues San-Nicolas. Pero debi na e demanda grandi, DVG tin pa informa cu lamentablemente entrante 25 di October tin pa pospone e vacunacion den bario pa e dianan cu ta sigui debi cu vacuna Bivalent ta cabando.
DVG ta en espera di mas vacuna cu lo yega for di Hulanda den e proximo simannan. Manera cu e vacunanan yega lo informa comunidad mesora y lo reanuda e skema di vacunacion den e barionan cu a keda falta.
