Segun nutricionista Iraida Thijsen di IBiSA:
*Bebidanan tin contenido halto di cafeina y sucu
ORANJESTAD (AAN): Iraida Thijzen ken tin e posicion di Hoofd Afdeling Gezondheid na IBiSA a elabora riba e uzo di bebidanan di energia bao di e hobennan. El a bisa cu pa esaki mester realisa un investigacion mas profundo relaciona cu e tema aki.
Sinembargo, si ta wak rond por observa, cu e mas hobennan (adolescentenan) ta esunnan cu ta bebe e tipo di bebidanan aki. Tambe ta wak hopi adulto jong, a indica.
Thijsen a sigui bisa cu e peliger ta pa esnan mas jong, di 13 pa 18 aña. Ta preferibel pa nan no beb'e, pero si ta beb'e miho bebe un maximo pa motivo di e contenido di cafeina. Bao di 13 aña, miho no beb'e mes.
Hopi biaha, muchanan jong no ta haci deporte, pero nan kier un tiki energia extra. Berdad, e adultonan ta bebe koffie pa haya un tiki energia, pero di biaha despues e energia aki ta dura poco.
Den e caso di e muchanan, cu e bebidanan, por a haya cu nan ta bira dependiente si nan ta bebe nan regularmente. Si bo ta custumbra di bebe 10 koffie pa dia, por ehempel, esey tambe por tin consecuencia, a indica.
Cerca e muchanan ta mas severo compara cu un hende grandi cu ya su organonan no ta traha optimalmente. Como mayor, wak bo yiu bao di 18 aña pa preferiblemente no cumpra e tipo di bebidanan aki cu tin hopi cafeina den dje (entre 1 pa 3 copi) depende di e marca y hopi sucu tambe, e experto a remarca.
