Empoderando orador- y lidernan
ORANJESTAD (AAN): University of Aruba Toastmasters Club ta celebrando 10 aña di existencia riba 11 februari 2026, marcando un decada di e desaroyo di oradornan cu confianza, creando y capacitando lidernan, y den un comunidad vibrante di su miembronan pa siña y desaroya.
Funda na aña 2016, e club a bira un pilar importante pa e desaroyo personal y profesional pa su miembronan den e comunidad di Aruba cu reunionnan educativo riba e di 2 y di 4 diahuebs di tur luna for di 7.00 – 9.00 pm na Maria Convent di Universidad di Aruba. University of Aruba Toastmasters Club a yuda su miembronan fortalese nan habilidad di comunicacion, construi mas confianza propio y a tuma paso den e rol di liderasgo tanto den e club como den e comunidad di Aruba.
“Yega na 10 aña ta un testimonio di dedicacion di nos miembronan y di e poder di programa di Toastmasters International”, segun e Presidente di club, Marjerline Dabian. “Nos club a crece den un ambiente di sosten, caminda hende ta descubri nan voz, reta nan mes y inspira otro”.
Durante e ultimo decada, e club a organiza diferente “open house”, concursonan di speech, y eventonan di colaboracion cu e otro clubnan local di Toastmasters International. Hopi miembro a representa Aruba na nivel di area, division y distrito, demostrando talento di nos isla riba e podium regional y internacional.
Mientras e club ta drentando e di dos decada, e ta keda compromete cu su mision y vision pa empodera miembronan pa comunica cu claridad y lidera cu confianza. Plan pa e aña di e aniversario ta inclui reunion conmemorativo, actividad pa miembronan, y cu e iniciativa pa yega mas amplio posibel e den comunidad pa promove e educacion pa e oradornan y e lidernan.
University of Aruba Toastmasters Club ta invita su miembronan activo, ex-miembronan y henter e comunidad pa honra e ocasion importante aki y pa sigui e desaroyo di e bonan fuerte y impactante na Aruba.
Toastmasters International ta un organizacion educativo cu a celebra na aña 2024 su di 100 aña di existencia cu a yuda su miembronan siña habilidadnan di orador y liderasgo via un red mundial di clubnan cu mas cu 270.000 miembro den mas cu 14.000 club na 148 pais. Toastmasters International ta yuda su miembronan pa bira oradornan y lidernan mas eficiente y efectivo.
