Descubri Bo Propio Futuro dia 3 di April!
ORANJESTAD (AAN): Universidad di Aruba ta anuncia e tan spera evento di Open House, un experiencia unico y atractivo diseña pa inspira y guia e futuro studiantenan riba nan biahe educativo.
Marca 3 di april riba bo calender, ya cu UA lo habri nan portanan pa comunidad y lo demostra e poder transformado di educacion superior.
Mientras Aruba cada dos aña a organisa y tabata anfitrion di e feria universitario, a realisa cu buskeda di educacion superior ta un tarea cu ta dura henter aña.
Den colaboracion cu diferente scol y entidad, ta sigui e aña aki un enfoke nobo. Na luga di un sesion informativo tradicional, ta invita bo na un Open House extenso, unda cu lo bo siña di nan diverso programanan di bachelor y MBA y lo bo experiencia e posibilidanan vibrante cu ta warda bo.
No ta trata solamente di foyeto y presentacion; ta trata di conecta cu bo futuro. Prepara bo
pa intercambia cu stand unico ekipa cu nan studiantenan, kendenan lo comparti nan experiencia na universidad, bo lo cera conoci cu representantenan di Departamento di Educacion (beca), Xavier University (bachelor den enfermeria), IPA (Colegio di Maestro) y varios otro oganisacion valioso. UA ta comprometi na brinda un vision holistico di e oportunidadnan educativo y profesional, permitiendo bo alinea bo estudionan cu bo meta- y aspiracionnan.
E aña aki ta pone enfasis riba experiencia. UA ta creando un ambiente interactivo unda bo por explora posibel ruta laboral y descubri e programanan di estudio cu ta fit cu bo personalidad. Y como cu nos ta compronde cu nabega door di e mundo di educacion superior por ta abrumador, ta un placer pa presenta nos informacion personalisa online y e proximo StudyLink, un herment facil pa uza pa yuda bo explora tur loke Universidad di Aruba tin pa ofrece.
Universidad di Aruba a pasa den un transformacion significante. A amplia e edificionan, a enrikece nan personal y modernisa nan recursonan online, creando un espacio di aprendizahe berdaderamente contemporaneo y inspirado. Bin experiencia e diferencia! A inverti den creacion di un universidad moderno unda e studiantenan ta central y kier comparti esaki cu bo. Join nan y nan centro colaborativo di conocemento diverso.
UA ta invita bo pa explora un espacio colaborativo caminda informacion diverso ta bini hunto. No perde e oportunidad aki pa descubri bo potencial! Join nan na Open House di Universidad di Aruba dia 3 di April. Prepara pa bo wordo inspira y dal e prome paso pa bo futuro.
