ORANJESTAD (AAN): Durante e periodo 12 te cu 22 di september, e di 40 rotacion ‘Compagnie in de West (CidW)’ cu ta e unidad di Ehercito,
y cu temporalmente ta ubica na un forma rotativo na Comando di Forzanan Naval den Region Caribe Hulandes, na Aruba, lo ta practicando ehercicionan.
Durante e ehercicionan aki nan lo move na diferente parti riba e isla. Esaki lo sosode tanto na pia como cu vehiculonan di ehercito. Nan lo ta activo desde Kazerne di Marina na Savaneta y lo ser mira specialmente na e parti pariba di e isla.
Meta di e ehercicionan aki ta pa siña conoce e pais cu su geografia y poblacion mas miho, pero tambe pa trein tacticanan y tecnicanan propio, bou di circumstancianan climatologico pisa. E facilidadnan cu Kazerne di Marina tin y e areanan enorme di naturalesa ta presta particularmente bon pa esaki.
Parti di e ehercicionan ta entre otro ehercicionan di reconocemento (midi calibracion di registro di un area of obheto na un forma secreto of mantene esaki bou di observacion), desaroya mas ampliamente habilidadnan propio, y mehora e estado fisico general.
Ya como CARMIL ta eherce un programa di capacitacion simultaneo, lo tin tambe cooperacion y intercambio di conocemento. Esaki ta mehora e vinculo entre e dos unidadnan cu ta activo den Region Caribe.
CidW ta un batayon di forzanan di ehercito cu cada cuater luna ta keda intercambia pa un siguiente unidad. CidW 40 ta procedente di Comando Operacional di sosten di Pais, un di e cuater brigadanan di Forzanan di Ehercito Real.
E batayon aki ta reforza cu entre otro miembronan diferente servicio di ingenieria y servicionan medico. Di e forma aki e batayon tin un diversidad amplio di specialismo presente den Region Caribe.
E unidad tambe ta keda desplega pa brinda yudansa di emergencia of despues di un solicitud di asistencia di parti di Gobierno Local. E unidad ta keda hiba y busca pa e barco di apoyo, Zr. Ms. Pelicaan.
Ora di bay back nan ta bay pa medio di transporte aereo, ya como e barco lo keda desplega no un otro sitio, pa motibo di training pa horcan ‘Windward Express‘ riba Islanan Ariba.
{gallery}Unidad di Ehercito ta practica hunto cu Militarnan di Caribe (CARMIL) na Aruba{/gallery}
