Opinion Publico
ORANJESTAD (AAN): Un lector kier a duna un comentario positivo pa asina e bunita pinturanan riba murayanan na San Nicolas por resalta mas.
Segun e lector cu coriendo den e cayanan principal di San Nicolas por mira cu ta pintando artenan masha bunita mes riba e murayanan. Pero p'e cu falta pa e pinturanan resalta mas. Segun su pensamento pakico comerciantenan, gobierno of esnan concerni no ta purba di verf e lugarnan cu colornan mas fuerte pasobra asina segun e señora e pinturanan sigur lo resalta mas.
Y sigur tambe San Nicolas lo briya cu e colornan fuerte cu lo bo mira di leu ora bo ta drentando e cayanan. E señora ta spera cu su opinion por aporta pa asina yuda embeyece mas e bario di San Nicolas cu ta kedando bunita cu e pinturanan.
