Uni cu tur deportista rond di mundo y lanta bo carchi blanco

Uni cu tur deportista rond di mundo y lanta bo carchi blanco

Campaña di ‘whitecard’ di Nacionnan Uni

ORANJESTAD (AAN): Esaki tin di haber cu un campaña di concientisacion “Raise your #whitecard” di United Nations.

   Ta asina cu Diadomingo awor, esta dia 6 di April ta e “International Day of Sport for Development and Peace” unda cu United Nations ta reconoce e poder cu deporte tin pa logra cambionan positivo y paz den nos comunidadnan.

   E tema di 2025 ta “Leveling the Playing Field: Sport for Social Inclusion” unda ta boga pa igualdad y inclusion na nivel social a traves di deporte.

   E campaña di e aña aki tambe, tin e tema di “raise your #whitecard” pa asina concientisa tur hende di e 460 miyon muchanan cu ta biba den areanan di gran conflicto rond di mundo. E conflictonan aki ta afecta e muchanan severamente, strobando nan educacion y bida social, unda cu sali pa hunga pafo y haci deporte ta un riesgo demasiado grandi.

   Esnan cu kier sa mas di esaki, por check e video na e website aki:

www.bit.ly/carchiblanco

   Forma parti di e campaña di concientisacion y lanta bo carchi blanco, asina uniendo bo mes na tur otro deportista rond di mundo.