ORANJESTAD (AAN): E organizacion di UNESCO Aruba ta anuncia e lansamento di e proyecto innovador:
Comunicacion y Informacion como un bienestar general: Diseñando un cuadra Nacional di Comunicacion pa Aruba.
E proyecto aki, aproba door di UNESCO (Paris) den 2024 como parti di e Programa di Participacion 2024-2025, ta basa riba e principio cu UNESCO su comunicacion y informacion (C&I) como un bienestar publico esencial cu ta permiti participacion democratico, decision informa y trece un comunidad solidario.
Como un isla chikito den desaroyo (Small Island Developing States, SIDS), e eco-sistema di comunicacion y media di Aruba ta evolucionando. Estudionan ta indica pa fortalece e eco-sistema di comunicacion di Aruba, ta fundamental pa garantisa acceso na informacion confiabel, promove periodismo independiente y crea un espacio di comunicacion inclusivo.
E proyecto aki tin como meta pa duna un plataforma di dialogo riba con por fortalece polisa di comunicacion structural, mehora transparencia y brinda sosten na acceso di informacion, libertad di expresion y periodismo independiente na un manera colectivo y inclusivo.
Den e proyecto aki, partnernan, incluyendo miembronan di sociedad civil (di diferente grupo di edad), periodista, funcionario cu ta crea polisa, sector priva y otro partner clave, lo traha hunto pa identifica oportunidadnan pa mehora e aspecto akinan y pa asegura cu comunicacion ta sirbi interes publico den un manera inclusivo y sostenibel.
E proyecto lo desaroya den varios fase, incluyendo:
(*) Investigacion amplio pa evalua e paisahe actual di C&I.
(*) Entrevistanan cu expertonan pa reconoce perspectivanan di esnan den e tereno.
(*) Sesionnan interactivo cu miembronan di sociedad civil, periodista, funcionario cu ta crea polisa, educadornan, NGO-nan y representantenan di sector priva.
A traves di dialogonan structura y actividadnan colectivo, participantenan lo explora oportunidad pa fortalece transparencia, acceso na informacion y promove miho conocemento den e area di comunicacion na Aruba.
Unesco Aruba ta encurasha participacion amplio di e comunidad y ta invita tur partner interesa pa forma parti di un bishita transformativo aki pa logra un sociedad mas transparente, informa y haya mas conocemento riba e area di comunicacion. Bo bos ta importante!
