ORANJESTAD (AAN): Segun resumen semanal corespondiente na diabierna dia 1 di juli, 546 persona a recupera den e siman aki y un total di 405 caso nobo di COVID-19 a keda registra.
E cantidad di casonan activo di COVID-19 ta 327 y cantidad di fayecidonan relaciona cu COVID-19 a aumenta na 222. Forsa na famia di e fayecidonan.
Datonan ta ilustra casonan nobo di COVID-19 cu un averahe semanal di 58 caso positivo pa dia y un averahe di 'Positivity rate' semanal di 54% pa dia.
Actualmente na Aruba tin 11 persona interna cu of debi na COVID-19 di cual 11 riba piso general y 0 ta den ICU.
Na Colombia no tin ningun pashent di COVID.
Manera DIARIO a trece dilanti dialuna, e casonan a baha, pero no mester descuida ya cu un descuido por trece bek cu e casonan ta bolbe subi treciendo mas inseguridad den comunidad, tanto pa local como pa turista.
