BOZEMAN: Un “special roll” cu tabata wordo ofreci na un sushi restaurant na estado di Montana na Merca, ta wordo mira como esun responsable pa mata dos hende y a venena por lo menos 30 hende.
E restaurant “Dave’s Sushi” temporalmente a cera algun siman pasa despues cu diferente cliente cu a come eynan a bira malo. E restaurant a informa riba social media cu nan ta kere cu e ingrediente comun ta ‘morel mushroom’ cultiva, importa for di China via un distribuidor na California. E sushi roll ta contene salmou tambe.
Un cliente femenino Donna Ventura di 64 aña, y un otro cliente masculino William Lewis di 74 aña a fayece algun dia despues di a come na e restaurant. Prensa local a mustra di tin dato cu 30 otro cliente tambe a keda contagia y a bira basta malo.
E casa di Donna awor a start un caso den Corte pa ‘wrongful death’ contra e restaurant, cu tin planea pa habri bek riba Dialuna 15 di Mei, despues cu Departamento di Salud keda cla cu nan investigacion.
Mientras tanto, un otro cliente masculino cu tambe a bira basta malo, a start un otro caso den Corte contra e restaurant debi cu e tambe a bira basta malo. E kiermeen cu no por ta asina cu awendia bo ta bay come na un lugar y bira despues asina malo. Un ora despues di come, casi e no por a hala rosea y dolor intenso di riñon a wordo sinti.
Den caso di Donna Ventura, el a cuminza sinti malo apenas 1 ora despues di a come na e restaurant, y a wordo hiba urgente pa Hospital unda el a sufri un atake di curazon y multiple organo a cuminza faya. El a fayece 31 dia despues den Intensive Care, y e documentonan legal ta mustra cu su morto ta liga directamente na e ‘Special Roll’ cu el a come na e restaurant.
Autoridadnan di Salud a bisa cu tur cos ta mustra cu e mushroom morel ta parce di ta esun responsable pa hendenan bira malo, pero ningun pathogen specifico a wordo haya. Toch hopi hende cu ta come morel mushroom ta indica cu bo tin di tene cuidao pa no come esaki curu, y tampoco come morel mushroom na abundancia, como cu e ta hacibo malo debi na un substancia toxico liviano cu e ta contene, pero cu ta wordo destrui ora di cushina.
Dave’s Sushi ta cooperando cu e investigacion, y a busca servicio di un consultant sanitario pa inspecciona e restaurant.
