Un solo dia a gara tres Go-Fast cu droga den lama di islanan ABC

Tres captura pa Wardacosta y Defensa den Caribe

ORANJESTAD (AAN): Tabata Diadomingo mainta trempan, cu e Centro di Operacion Maritimo (MCO) di Wardacosta di Caribe Hulandes a alerta su oficialnan, cu nan ta mirando un boto sospechoso den area di Islanan ABC.

   Despues di e notificacion di MOC, e barco Zr.Ms. Groningen a nabega bay e lokalidad di e speedboat sospechoso pa intercepta esaki. E avion patruyero Dash-8 di Wardakosta tambe a keda dirigí na e lokalidad pa asisti e barco patruyero.

   Unabes den becindario, Groningen a lansa su dos botonan rápido di intersepcion, esta e asina yama FRISC. Na momento cu e ocupantenan di e Speedboat tipo Go-fast sospechoso a nota e FRISC-nan, nan a purba huy y a cuminsa tira bultonan cu contrabanda den lama.  Na final despues di un

persecusion cortico, e sospechosonan a keda deteni. Riba e Go-fast tabatin seis persona cu ainda hopi mas pakete cu droga abordo.

   Durante momentu di caba di atendé e promé akshon, Zr.Ms. Groningen un biaha mas a keda notifica di un otro speedboat sospechoso. E biaha aki tambe e FRISC-nan a cuminza cu persecusion pa obliga e speedboat pa stop. E cuatro pasaheronan di e boto aki a keda deteni, hunto cu e paketenan cu parce atrobe tabata contene droga, a wordo hisa abordo di Zr.Ms. Groningen.

   Mas lat den dia a descubri cu e di tres Speedboat Go-fast cu tabata nabega cerca den becindario di e barco patruyero Groningen. Un biaha mas a lansa e FRISC-nan pa sali bay investigá. A resulta cu e boto tabata un Go-fast, cu tres pasahero cu tabatin supuestamente bultonan di contrabanda abordo.

   Pues den tur 3 accion hunt riba lama, e barco Zr.Ms. Groningen a logra detene un total di 13 sospechoso, y mas o menos 3.700 kilo di contrabanda, di cual mitar

tabata cocaina y e otro mita di marihuana, abordo di e barco.

   Tur e sospechosonan mas e paketenan a keda entrega na autoridadnan na Curacao pa sigui investiga e casonan. E bultonan di droga, despues di investigacion, a keda destrui mesora.