Un pizza flambé a start un candela cu a laga 2 morto den restaurant na Madrid

MADRID: Un pizza flambé a ocasiona un candela feroz Diabierna anochi na Burro Canaglia Bar & Restaurant na Madrid,

y esaki a laga saldo di dos morto y 12 herido, seis di nan den situacion grave.

   Dos di e hendenan atendi pa personal di Rescate na Madrid a fayece.  Ademas 12 hende a keda herida pa e candela y e gran cantidad di huma cu e candela a produci, cu a plama rapidamente den e Restaurant Italiano den un zona parti west di e capital di Spaña.  Seis persona keto bay ta hospitalidad debi na gravedad di nan heridanan, y uno di nan ta hopi critico.

  E candela a start debi na e hecho cu un waiter tabata bay dal e toque final na un pizza cu un torch pa haci esaki un flambé.  E tabatin e tayo na candela den un man, y e blowtorch den otro man, y ora el a pasa cerca di un pilar cu tin matanan di plastico, esakinan a cende y e candela a core bay rapidamente pa e blafon y den un rato full esaki cu tambe ta decora a cuminza kima.

   Tabatin como 30 cliente e momento eyden, y e dosnan cu a muri tabata un trahador di e Restaurant y un cliente.  Suerte ta cu Kazerne di Bombero ta djis algun cien meter leu di e Restaurant, y pesey den menos di 10 minuut cu e alarma a drenta, ya nan a paga e candela.