Fundacion pro Persona cu Dislexia
ORANJESTAD (AAN): Mirando cu e doorstroomtoets pa scol basico ta den porta, Fundacion pro Persona cu Dislexia ta desea di informa/corda e mayornan y e cabesantenan di scol basico lo siguiente: Tin cu tene na cuenta cu un mucha cu tin dislexia tin derecho di haci su doorstroomtoets adapta segun su limitacion.
E adaptacion ta individual teniendo cuenta cu e necesidad di e mucha.
Aki ta manda algun forma di adaptacion cu ta posibel pa e doorstroomtoets 2024 – 2025 (segun criterio di Rijksoverheid):
- Un version cu letter mas grandi
- Un forma di asistencia auditivo
- Extra tempo pa e mucha por traha riba e doorstroomtoets
Ta spera cu e scolnan basico lo tene consideracion cu e muchanan cu dislexia y ta corda nan cu ta un derecho di e mucha pa haya ayudo y facilidad den su estudio.
Pa mas informacion, por tuma contacto via e-mail na: This email address is being protected from spambots. You need JavaScript enabled to view it. of via e number di celular/ whatsapp 566 0140.
