ORANJESTAD (AAN): Sharline Koolman, Crisis Team Leider a duna di conoce den conferencia di prensa cu tabata tin algun deliberacion caba riba e posibilidad di un di tres dosis di e vacuna Pfizer.
Ta conoci cu na algun pais caba manera Merca, a cuminsa pone e 'booster shot' cerca algun grupo di e poblacion.
Riba esaki, Koolman a splica cu mester corda toch cu tin varios pais rond mundo cu no a haya ningun vacuna ainda.
Mundialmente e idea ta cu tur pais mester ta mas o menos mesun hopi vacuna pa por evita cu ta bin mas variante y cu cada bes ta bira un problema mas grandi, a señala.
A papia riba esaki, pero no tin acuerdo ainda. E grupo cu lo wordo vacuna prome, mescos cu a haci ora cu a cuminsa duna e prome dosis, ta esnan cu problema di salud. "No ta asina aki cu manera cu e yega cu tur hende lo haya e di tres vacuna di biaha. pero e ta bay atrobe den gruponan y ta bay prome pa e grupo cu mester di esaki mas tanto", Sharline Koolman a splica.
