ORANJESTAD (AAN): E sorteo di Diaranson anochi pa Lotto 5, no tabatin ningun persona cu tur cinco cifra bon, pues e premio di 1.725 miyon Florin a keda aden.
Pero si tabatin 2 persona cu a saca 4 cifra bon plus e Joker. Pues nan a gana e di 2ndo premio.
Uno di esnan cu a libra e di 2ndo premio, a presenta Diahuebs caba pa cobra su premio.
Hubert a yega na oficina di Lotto na Playa y mesora a entrega su ticket. Aki nan a check su el a pone su firma y tambe number di su cuenta di banco na e parti patras. Ora di scan e ticket, esaki mesora a indica cu e ta uno cu a gana 2ndo premio di 18.865 Florin.
Mesora a cuminza cu e proceso pa transferi su premio electronicamente pa cuenta di banco. Hubert a indica cu e ticket ganador a wordo cumpra na Paradera Lottery.
